ଢ଼େଙ୍କାନାଳ : ଭୁବନ ଥାନା ଅଧୀନସ୍ଥ ସୁରପ୍ରତାପୁର ଗ୍ରାମରେ ବିଳମ୍ବିତ ରାତିରେ ଚାରୋଟି ଦୋକାନରୁ ଚୋରୀ ହୋଇଥିବା ଅଭିଯୋଗ ହୋଇଛି I
ସୁରପ୍ରତାପୁର ଗ୍ରାମର ବର ସାହିର ଦିଲିପ ସାମଲ ଙ୍କ ପାନ ଦୋକାନ, ନୂଆଟିପିଳେଇର ଗ୍ରାମର ଟୁକୁନା ଦଲେଇ ଓ ସନ୍ତୋଷ ସାମଲ ଙ୍କ ପାନ ଦୋକାନ ରୁ ଚୋରୀ ହେବା ସହ କୁଣ୍ଡିଗଡ଼ା ସାହିର ଗିରିଧାରୀ ରାଉତ ଙ୍କ ଡ୍ରେସ୍ ଦୋକାନ ରୁ ତାଲା ଭାଙ୍ଗି ଲୁଗା ୫୦ ଖଣ୍ଡ, ପ୍ୟାଣ୍ଟ ୩୦ ଖଣ୍ଡ ଦୋକାନ ଟଙ୍କା ବାକ୍ସ ରୁ ୩୦ ହାଜର ଟଙ୍କା ଖୁଚୁରା ପଇସା କିଛି ଦୁର୍ବୃତ୍ତ ମାନେ ଲୁଟିନେଇଛନ୍ତି I
ଏ ନେଇ ଦୋକାନ ମାଲିକ ମାନେ ସୁରପ୍ରତାପୁର ଫାଣ୍ଡିରେ ଲିଖିତ ଆକାରରେ ଜଣାଇବା ପରେ ଫାଣ୍ଡି ଅଧିକାରୀ ଅଶୋକ ତ୍ରିପାଠୀ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି I ଗୋଟିଏ ଦିନରେ ଏକା ଥରେ ଚାରୋଟି ଜାଗାରୁ ଚୋରୀ ହୋଇଥିବା ରୁ ଆଖ ପାଖ ଅଞ୍ଚଳରୁ କିଛି ଦୁର୍ବୃତ୍ତ ମାନେ ଏହିଭଳି କାଣ୍ଡ ଘଟାଇ ଥିବା ନେଇ ଅନୁମାନ କରାଯାଉଛି I