ଢ଼େଙ୍କାନାଳ: ସୁଲକ୍ଷଣା ଦେବୀ ସରକାରୀ ଉଚ୍ଚ ବିଦ୍ୟାଳୟ, ଢେଙ୍କାନାଳ ରେ ଆୟୋଜିତ ହୋଇଥିଲା ଅତିଥି ଭୋଜନ । ପ୍ରଧାନ ଶିକ୍ଷୟିତ୍ରୀ ମିନତୀ ଦେହୁରୀଙ୍କ ନିମନ୍ତ୍ରଣରେ ପୁରୀର ଦୁଇଟି ଅଗ୍ରଣୀ ସ୍ୱେଚ୍ଛାସେବୀ ”ସଂଗଠନ ଗୋବିନ୍ଦ ତ୍ରିପାଠୀ ସ୍ମୃତି ପରିଷଦ” ଓ ”ସେବା” ର ମିଳିତ ଆନୂକୁଲ୍ୟରେ ଏହି ଆୟୋଜନ କରାଯାଇଥିଲା । ଅନୁଷ୍ଠାନ ପକ୍ଷରୁ ବିଦ୍ୟାଳୟର ପ୍ରଥମରୁ ଦଶମ ସମସ୍ତ ଛାତ୍ରଛାତ୍ରୀଙ୍କ ନିମନ୍ତେ ପ୍ରସ୍ତୁତ ହୋଇଥିଲା ଭାତ, ଡାଲମା, ଖଟା ଓ ଖିରି । ଏହି ଅବସରରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଓ ”ସେବା” ର ସଭାପତି ମନୋଜ ଦାସ ନିଜ ହାତରେ ପିଲାମାନଙ୍କୁ ସ୍ୱାଦିଷ୍ଟ ଖିରି ପରିବେଷଣ କରିଥିଲେ । ଏହି କାର୍ଯ୍ୟକ୍ରମକୁ ସଫଳ ପରିଚାଳନା କରିଥିଲେ ପୁରୀରୁ ଆସିଥିବା ଉକ୍ତ ସଂଗଠନର ଏକାଧିକ ସ୍ବେଚ୍ଛାସେବୀ ଗଣ । ସେମାନଙ୍କ ମଧ୍ୟରେ ଥିଲେ ବିକ୍ରମଦତ୍ତ ପରିଡା, ଜ୍ୟୋତିରଞ୍ଜନ ବେହେରା, ସତ୍ୟନାରାୟଣ ବେହେରା, ରମେଶଚନ୍ଦ୍ର ପ୍ରଧାନ ଓ ଦୀପ୍ତିମୟ ପଣ୍ଡା ପ୍ରମୁଖ । ପରିଶେଷରେ ବିଦ୍ୟାଳୟ ତରଫରୁ ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ଉପସ୍ଥିତିରେ ପ୍ରଧାନ ଶିକ୍ଷୟିତ୍ରୀଙ୍କ ଦ୍ୱରା ସ୍ୱେଚ୍ଛାସେବୀ ମାନଙ୍କୁ ପୁଷ୍ପଗୁଛ ଓ ଉତ୍ତରୀୟ ଦେଇ ସମ୍ମାନୀତ କରାଯାଇଥିଲା । ବିଦ୍ୟାଳୟର ଶିକ୍ଷକ ତଥା ପରିଷଦର କୋଷାଧ୍ୟକ୍ଷ, ”ସେବା” ଅନୁଷ୍ଠାନର ପ୍ରତିଷ୍ଠାତା ଦୁଷ୍ମନ୍ତ କୁମାର ସାହୁଙ୍କ ଏପରି ମହତ କାର୍ଯ୍ୟକୁ ସମସ୍ତେ ସାଧୁବାଦ ଜଣାଇଥିଲେ ।
