ଢେଙ୍କାନାଳ ଜିଲ୍ଲା ଭୁବନ ସରକାରୀ ଉଚ୍ଚ ଵିଦ୍ୟାଳୟରେ ମଙ୍ଗଳବାର ମୋସ୍କୁଲ ଅଭିଯାନ ପକ୍ଷରୁ ପୁରାତନ ଛାତ୍ର କମିଟି ଚୟନ ହୋଇଯାଇଛି । ସେଥିରେ ଦେଵେନ୍ଦ୍ର ପୃଷ୍ଟି ସଭାପତି ଭାବେ ନିର୍ଵାଚିତ ହୋଇଥିବା ବେଳେ ଉପସଭାପତି ଭାବେ ନିର୍ମଳ ଚନ୍ଦ୍ର ଗୁରୁ, କନଭେନର ଭାବେ ପୂର୍ଣ୍ଣଚନ୍ଦ୍ର ସାହୁ ଓ କର୍ମକର୍ତ୍ତା ଭାବେ ବସନ୍ତ କୁମାର ପୋଥାଳ ମନୋନିତ ହୋଇଥିଲେ । ସେଥିରେ ୧୧୫ ଜଣ ପୁରାତନ ଛାତ୍ର ଉପସ୍ଥିତ ଥିବା ବେଳେ ସଭାପତି ପଦବୀ ପାଇଁ ୩ଜଣ ଦାଵିଦାର ହୋଇଥିଲେ । ସର୍ଵ ସମ୍ମତି କ୍ରମେ ସଭାପତି ପାଦଵୀ ପାଇଁ ନିର୍ବାଚନ କରାଯାଇଥିଲା । ସେଥିରେ ପୁରାତନ ଛାତ୍ର ବିପିନ ଵିହାରୀ ସେଠୀ ସଭାପତିତ୍ବ କରିଥିବା ବେଳେ ପରିଚାଳନା କମିଟିର ସଭାପତି କେଦାର କୁମାର ଦାସ ଓ ପ୍ରଧାନ ଶିକ୍ଷକ ରୁଦ୍ରନାରାୟଣ ସାମଲ ଅତିଥି ଭାବେ ଯୋଗଦେଇଥିଲେ । ବରିଷ୍ଠ ବିଜ୍ଞାନ ଶିକ୍ଷକ ଗଣେଶ୍ଵର ସାହୁ ସରକାରଙ୍କ ପୁରାତନ ଛାତ୍ର ପ୍ରତିନିଧି ଚୟନର ନିୟମ ସମ୍ପର୍କରେ ଅବଗତ କରାଇଵା ସହିତ କାର୍ଯକ୍ରମକୁ ପରିଚାଳନା କରିଥିଲେ । ନିର୍ଵାଚନକୁ ସହକାରୀ ଶିକ୍ଷୟତ୍ରୀ ଜୟଶ୍ରୀ ସ୍ଵାଇଁ ଓ ଶିକ୍ଷକ ରାଜେଶ ରତନ ଧଳ , ସାଗର ରାଉତ ପରିଚାଳନା କରିଥିଲେ । ଏହି ଅବସରରେ ମନୋନିତ ଓ ନବ ନିର୍ବାଚିତ ପୁରାତନ ଛାତ୍ର କମିଟକୁ ବିଦ୍ୟାଳୟ ପକ୍ଷରୁ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରାଯାଇଥିଲା । ପରିଶେଷରେ କ୍ରିଡ଼ା ଶିକ୍ଷକ ସାଗର ରାଉତ ଧନ୍ୟବାଦ ଅର୍ପଣ କରିଥିଲେ ।
