ଢ଼େଙ୍କାନାଳ : ହିନ୍ଦୋଳ ବନାଞ୍ଚଳର କର୍ଣ୍ଣପୁର ବିଟ୍ ଅନ୍ତର୍ଗତ ପଡା ଗ୍ରାମ୍ୟ ଜଙ୍ଗଲ ମଧ୍ୟରୁ ଜନ୍ତୁ ଶିକାର ପାଇଁ ଉଦ୍ୟମ କରୁଥିବା ବେଳେ ହିନ୍ଦୋଳ ବନବିଭାଗ ପକ୍ଷରୁ ଚଢ଼ାଉ କରି ୩ ଅଭିଯୁକ୍ତ ଙ୍କୁ ଗିରଫ୍ କରାଯାଇଛି। ଏଥିସହିତ ସେମାନଙ୍କ ଠାରୁ ଗୋଟିଏ ଦେଶୀ ବନ୍ଧୁକ ଓ ଗୁଳି ବାରୁଦ ସହିତ ଏକ ହେଡ୍ ଲାଇଟ୍ କୁ ଜବତ କରାଯାଇଥିବା ଜଣାପଡ଼ିଛି।
ସୂଚନା ମୁତାବକ ପଡ଼ା ସମେତ ଆଖପାଖ ଅଞ୍ଚଳରେ ବେଆଇନ୍ ଜନ୍ତୁ ଶିକାରୀ ମାନେ ବିଭିନ୍ନ ସମୟରେ ଜନ୍ତୁ ଶିକାର କରି ଅଦର ଦରରେ ବିକ୍ରୀ କରୁଥିବା ର ନଜିର ରହିଥିଲା। କୌଣସି ସୂତ୍ରରୁ ଖବର ପାଇ ବନବିଭାଗ ଅଧିକାରୀ ମାନେ ଚଢ଼ାଉ କରି ଜଙ୍ଗଲ ମଧ୍ୟରୁ ୩ ଜଣ ଶିକାରୀଙ୍କୁ ଗିରଫ କରିବାରେ ସଫଳ ହୋଇଛନ୍ତି।
ଗିରଫ ୩ ଅଭିଯୁକ୍ତଙ୍କ ଘର ପଡ଼ା ଗ୍ରାମରେ ହୋଇଥିବା ବେଳେ ସେମାନେ ହେଲେ ଗୁମାନି ସେଠୀ, ଲିଙ୍କନ ସେଠୀ ଓ ଦୁଷ୍ମନ୍ତ ସାହୁ। ୩ ଅଭିଯୁକ୍ତ ଙ୍କୁ ଗିରଫ୍ କରାଯାଇ ତଦନ୍ତ ଚାଲିଛି , ଖୁବ୍ ଶୀଘ୍ର ଘଟଣାର ସତ୍ୟାସତ୍ୟ ଜଣାପଡ଼ିବ ବୋଲି ହିନ୍ଦୋଳ ବନାଧିକାରୀ କହିଛନ୍ତି।