ଢେଙ୍କାନାଳ : ନେହେରୁ ଯୁବକେନ୍ଦ୍ର ଓ ସାମାଜିକ ସାଂସ୍କୃତିକ ବିକାଶ ସଂଘ ର ମିଳିତ ଉଦ୍ୟମରେ ପରଜଙ୍ଗ ବ୍ଲକର ରୋଡ଼ ପଂଚାୟତ ଠାରେ ଏକ ଭଲିବଲ୍ ଟୁର୍ଣ୍ଣାମେଣ୍ଟ ହୋଇଥିଲା ।
ଏଥିରେ ରୋଡ଼ ସେଭେନ ଷ୍ଟାର ଓ କୁନ୍ଦନଦେଇପୂର ଇଲେଭେନ୍ ମଧ୍ୟରେ ୩ ରାଉଣ୍ଡ ମ୍ୟାଚ ହୋଇଥିଲା । କୁନ୍ଦନ ଦେଇପୂର୍ ୨ ରାଉଣ୍ଡ ରେ ଜିତି ବିଜୟ ହାସଲ କରିଥିଲା ଓ ରୋଡ଼ ଠାରେ ଏକ ୧୦୦ ମିଟର ଦୌଡ ପ୍ରତିଯୋଗୀତା ହୋଇଥିଲା । ସେଥିରେ ରୋଡ଼ ଗ୍ରାମର ପନ୍ଦର ଜଣ ପ୍ରତିଯୋଗୀ ଭାଗ ନେଇଥିଲେ । ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ ।
ଏଥିରେ ମୂଖ୍ୟ ଅତିଥି ରୂପରେ ରୋଡ଼ ସରପଞ୍ଚ ବିଶ୍ୱଜିତ୍ ନାୟକ ଓ ସମ୍ମାନିତ ଅତିଥି ଭାବେ ସାମାଜିକ ସାଂସ୍କୃତିକ ବିକାଶ ସଂଘର ସମ୍ପାଦକ ସୌମ୍ୟା ମିଶ୍ର, ଅକୁଲ ସାହୁ ଯୋଗଦାନ କରି ବିଜୟୀ ପ୍ରାର୍ଥୀଙ୍କୁ ପୁରସ୍କାର ବିତରଣ କରିଛନ୍ତି । ପୂର୍ବତନ ଶିକ୍ଷକ ମଦନ ଆଚାର୍ଯ୍ୟ ଖେଳକୁ ପରିଚାଳନା କରିଥିଲେ । ଏଥି ନିମନ୍ତେ ନେହେରୁ ଜୁବକେନ୍ଦ୍ର ଢ଼େଙ୍କାନାଳ ଓ ସାମାଜିକ ସାଂସ୍କୃତିକ ବିକାଶ ସଂଘକୁ ପଞ୍ଚାୟତବାସୀ ପ୍ରଶଂସା କରିଛନ୍ତି ।