ଢ଼େଙ୍କାନାଳ : କଟକ ସ୍ଥିତ ଖାନ୍ ନଗର ସରକାରୀ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ଜୋନ ସ୍ତରୀୟ କଳା ଉତ୍ସବରେ ଭୁବନ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ସତ୍ୟ ପ୍ରକାଶ ସାହୁ ଏକକ ଶାସ୍ତ୍ରୀୟ ନୃତ୍ୟ ପ୍ରତିଯୋଗିତାରେ ପ୍ରଥମ ସ୍ଥାନ ହାସଲ କରିଛନ୍ତି ।
ଏହି ଉତ୍ସବରେ କଟକ, ଜଗତସିଂହପୁର, କେନ୍ଦ୍ରାପଡା , ଅନୁଗୁଳ ଓ ଢେଙ୍କାନାଳ ଜିଲ୍ଲାର ବହୁ ପ୍ରତିଯୋଗୀଙ୍କୁ ପଛରେ ପକାଇ ସତ୍ୟ ପ୍ରକାଶ ଶ୍ରେଷ୍ଠ ବିବେଚିତ ହୋଇଥିଲେ ଓ କଟକ ଜିଲ୍ଲା ଶିକ୍ଷାଧିକାରୀ ସତ୍ୟ ପ୍ରକାଶ ଙ୍କୁ ପୁଷ୍ପଗୁଚ୍ଛ, ଉତରୀୟ , ପ୍ରଶଂସାପତ୍ର ଓ ସିଲ୍ଡ ପ୍ରଦାନ କରିଥିଲେ ।
ସତ୍ୟ ପ୍ରକାଶ ଭୁବନ ଉଚ୍ଚ ବିଦ୍ୟାଳୟ ଓ ଭୁବନ ପାଇଁ ଗୌରବ ହାସଲ କରିଥିବାରୁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି । ଭୁବନ ଉଚ୍ଚ ବିଦ୍ୟାଳୟର ଶିକ୍ଷକ ,ଶିକ୍ଷୟିତ୍ରୀ ,ପରିଚାଳନା କମିଟି ,ଅଭିଭାବକ ଓ ଶୁଭେଚ୍ଛୁ ମାନେ ତାଙ୍କର ଏହି ସଫଳତା ପାଇଁ ତାଙ୍କୁ ଅଭିନନ୍ଦନ ,ଶୁଭେଚ୍ଛା ଜଣାଇବା ସହିତ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି ।
ନିକଟ ଭବିଷ୍ୟତରେ ସତ୍ୟ ପ୍ରକାଶ ରାଜ୍ୟ ସ୍ତରୀୟ ପ୍ରିଯୋଗିତାରେ ଅଂଶ ଗ୍ରହଣ କରିବେ ବୋଲି ସତ୍ୟ ପ୍ରକାଶ ଙ୍କ ବାପା ପବିତ୍ର ସାହୁ ଗଣମାଧ୍ୟମ କୁ ସୂଚନା ଦେଇଛନ୍ତି ।