ଢେଙ୍କାନାଳ : ଜିଲ୍ଲା ଓଡାପଡା ବ୍ଲକ ଅନ୍ତର୍ଗତ ଗୁଣ୍ଡିଚାପଡା ପଞ୍ଚାୟତର ବେଶାଳିଆ ଗ୍ରାମ ଲକ୍ଷ୍ମୀପୂଜା ପ୍ରତିଷ୍ଠାନର ସୁବର୍ଣ୍ଣ ଜୟନ୍ତୀ ସମାରୋହ ଅନୁଷ୍ଠିତ ହୋଇଯାଇଛି ।
ସାଂସଦ ମହେଶ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ମହୋତ୍ସବ ଯୁବ ଗୋଷ୍ଠୀ ଙ୍କୁ ଏକତ୍ରିତ କରିବା ସହିତ ଭାଇଚାରା ସୃଷ୍ଟି କରିଥାଏ ବୋଲି ମତବ୍ୟକ୍ତ କରିଥିଲେ । ସମ୍ମାନୀତ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ପୁହାଣ , ପଣ୍ଡା ନର୍ସିଂ ହୋମ ର ସତ୍ୱାଧିକାରୀ ଡା.ଶାନ୍ତି ଭୂଷଣ ପଣ୍ଡା ଯୋଗଦେଇଥିଲେ । ସଦ୍ୟ ଓଏଏସ ପ୍ରାପ୍ତ ଢେଙ୍କାନାଳ ଝିଅ ହିମାଦ୍ରି ତନୟା (ର୍ୟାଙ୍କ ୨୪) ଙ୍କ ସମେତ ଯୁବ ଶିଳ୍ପଦ୍ୟୋଗି ଧଳପୁର ନିବାସୀ ସତ୍ୟ
ରଂଜନ ମିଶ୍ର ଓ ଯୁବ ସମାଜସେବୀ ଭାବେ ବାବୁଲି ସାହୁ ଙ୍କୁ ସମ୍ବର୍ଦ୍ଧିତ କରାଯାଇଥିଲା ।
ଏହି କାର୍ଯ୍ୟକ୍ରମକୁ ପୂର୍ବତନ ସରପଂଚ ପ୍ରଶାନ୍ତ ପ୍ରଧାନ , ପୂର୍ବତନ ସମିତିସଭ୍ୟ ବିଷ୍ଣୁ ସାମଲ ଓ ଅନ୍ୟାନ୍ୟ ସଦସ୍ୟ ମାନେ ସୂଚାରୁରୂପେ ସଂପାଦନ କରିଥିଲେ ।